माओवादीले क्रान्ति छाडेको छैनः अध्यक्ष दाहाल

 

गोरखा, ४ असोज (रासस) ः नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले जनयुद्ध छाडेर शान्ति प्रक्रियामा आएपनि माओवादीले क्रान्ति नछाडेको बताउनुभएको छ । 

गोरखा नगरपालिकास्थित दशकिलोमा कार्यकर्तालाई आज प्रशिक्षण दिँदै उहाँले विचार र कार्यदिशामा प्रष्टता नहुँदा माओवादीले जनताबाट भोट तान्न नसकेको बताउनुभयो । उहाँले भन्नुभयो, “माओवादी विचार र लाइनमा अस्पष्ट भएजस्तो देखियो । जनयुद्धताका के गर्ने, कसो गर्ने भन्ने स्पष्ट थियो, शान्ति प्रक्रियापछि रुमलिएको जस्तो भएको छ । पार्टी र नेता बिग्रिएका हुन् कि, कार्यकर्ता अल्छी भएका हुन् कि जस्तो भयो ।” 

जनयुद्धबाट शान्ति प्रक्रियामा आउँदा पार्टी र नेताबाट केही गल्ती भएको स्वीकार्दै अध्यक्ष दाहालले शान्ति प्रक्रियापछि प्रतिक्रियावादीले माओवादी पार्टीलाई फुटाएको आरोप लगाउनुभयो । नेता, कार्यकर्तामा जनयुद्ध छाडेर शान्ति प्रक्रियामा आउनु हुन्थ्यो वा हुँदैनथ्यो भन्ने भ्रम बाँकी रहेको भन्दै उहाँले माओवादीले क्रान्ति नछाडेको र निरन्तर क्रान्तिमै रहेको प्रष्टीकरण दिँदै भन्नुभयो, “शान्ति प्रक्रियामा आउनु ठिक हो वा होइन भन्ने ‘कन्फ्युजन’ छ । शान्ति प्रक्रियामा आउनु ठिक हो । जनयुद्ध मात्रै गरेको भए पेरुको जस्तो माओवादीको अस्तित्व नै सकिन्थ्यो ।” 

माओवादीबाट छुट्टिएका नेत्रविक्रम चन्द, डा बाबुराम भट्टराई र मोहन वैद्यको नीति ठिक छैन भन्ने जनताको अभिमतबाट देखिएको बताउँदै अध्यक्ष दाहालले भन्नुभयो, “माक्र्सवादलाई लात हानेर गएका बाबुरामविरुद्ध सच्चा माक्र्सवादी गोरखा क्षेत्र नं २ मा उठाउँछौ ।” 

पूर्वप्रधानमन्त्री दाहालले गणतन्त्र, संघीयता, धर्मनिरपेक्षतालगायत एजेण्डा माओवादीको भए पनि जनतालाई बुझाउन नसक्दा माओवादी पराजित भएको बताउनुभयो । माओवादीले बास्मती चामल फलाएर पनि बिक्री गर्न नसकेको भन्दै अध्यक्ष दाहालले अरु दलहरुले कुहिएको पीठो बिक्री गरेको टिप्पणी गर्नुभयो । 

Comments

Post a Comment

Popular posts from this blog

मेक्सिकोमा शक्तिशाली भूकम्प, १०० भन्दा बढीको मृत्यु, उद्घारकार्य जारी, ठूलो जनधनको क्षतिको अनुमान

Image
  मेक्सिको सिटी, ४ असोज सिन्ह्वा० ः मेक्सिकोमा मङ्गलबार राति शक्तिशाली भूकम्प गएको छ । यसमा परी १०० जनाभन्दा बढीको ज्यान गएको समाचार छ ।   भूकम्पले मध्य मेक्सिकोलाई बढी हानेको छ । भूकम्पको मापन ७।१ म्याग्निच्युडको गरिएको अमेरिकी भौगार्भिक संस्थाले जनाएको छ ।   अधिकारीहरुले भूकम्पको धक्का निकै नै शक्तिशाली महसुश भएको र यसको केन्द्रबिन्दुको मापन गहिराईमा नभएर बढी सतहमा गरिएकोले ठूलो जनधनको क्षतिको अनुमान गरेको जनाएका छन् ।   मध्य मेक्सिकोको मोरलोस् सहरमा मात्र ५४ जनाको मृत्यु भएको छ । अधिकारीहरुले ५४ जनाको शव भेटिएको र अरु कैयौँ व्यक्ति भूकम्पबाट भत्किएका भग्नावशेषमा पुरिएको हुनसक्ने अनुमान गरेका छन् ।   मध्य मेक्सिकोका जोजुत्ला, कयुरोनभाका, टेटेकाला, माइकाल्टान नामका सहरहरुमा बढी क्षति पुगेको अनुमान गरिएको मेक्सिको सरकारका मुख्य सचिव मातिलास क्वीरोजले जानकारी दिनुभएको छ ।   उहाँका अनुसार भूकम्पपछि देशैभरी ठूलो त्रास छाएको छ । उद्धारको कार्य जारी रहेको भए पनि पराकम्पनहरु आइरहेकोले चुस्त हुन नसकिरहेको उहाँले जानकारी दिनुभयो ।   पुएब्ला राज्यम मात्र ४...
Read more

राजविराजमा सुँगुर, कुकुर र गाईगोरुको आतंक

Image
राजविराज, २४ असोज 2074 ः लामो समयदेखि सप्तरीको सदरमुकाम राजविराज नगर क्षेत्रमा सुँगुर, कुकुर र गाईगोरुको छाडापनका कारण नगरवासी दिनहुँ हैरानी खेप्न बाध्य छन् ।  करिब ६० बिगाहाभन्दा बढी क्षेत्रफलमा फैलिएको राजविराज नगरपालिकाको मुख्य बजारमा सुँगुर छाडापनका कारण यहाँका सर्वसाधारणले दैनिक दुःख पाउनाका साथै राजविराज नगरपालिकाले सुँगुर नियन्त्रणमा ध्यान नदिएका कारण नगरभित्रको मुख्य चोकमा सुँगुरले जहाँतहीँ दिसा गर्ने र थुपारिएको फोहर मुखले खनेर ठाउँठाउँमा दुर्गन्ध फैलिने गरेको स्थानीयवासी गुनासो गर्छन ।  राजविराजको दर्शन चोक, गजेन्द्र चोक, महावीर चोक, अस्पताल चोक र हटिया लाइनसहितका विभिन्न ठाउँमा मानिसको बढी उठबस हुने र चहलपहल पनि बढी हुने ठाउँमा जताततैबाट सुँगुर आएर दिसा गर्नाले नगरमा दुर्गन्ध फैलिएको नगरवासीले गुनासो गरेका छन् ।  यहाँका मुख्य चोकमा कुकुर र गाईगोरु पनि जताततै देखा पर्न थालेको बताउँदै गाईगोरुले मुख्य सडकमै दिसा गर्न थालेकाले सर्वसाधारण गाईगोरुको गोबरमा चिप्लेर लड्ने गरेको र यसबाट दुर्घटनासमेत निम्तिएको पनि जनगुनासाे रहेकाे छ ।  वर्षौंदेखि यत्...
Read more

थारु राष्ट्रिय जितिया महोत्सव काठमाण्डौ पर्यटन बाेर्डमा सम्पन्न

Image
SDC13306 थारु साँस्कृतिक संगीत विकास मञ्चको आयोजनामा कार्यक्रम संयोजक भारती चौधरीको अध्यक्षता र कानून न्याय तथा  संसदिय मामिला राज्यमन्त्री माननिय श्री दिलमान लिम्बुको प्रमुख आतिथ्यका साथै थारु बुद्धिजिवीहरु, थारु महिला पुरुष कलाकार एवं जितिया पारन गरेकि ब्रतालुहरुको उपस्थितिमा कार्यक्रम काठमाण्डौको भृकुटी मण्डप स्थित पर्यटन र्बोडको कार्यक्रम सभा कक्षमा सम्पन्न भएको छ । कार्यक्रममा जितिया कथा अधिवक्ता महेश्वर प्रसाद चौधरीले वाचन गर्नु भएको थियो भने वक्ताहरु डा.ललन चौधरी, थारु विद्यार्थी समाजका अध्यक्ष चन्द्र चौधरी आदिले जितियाको शुभकामना मन्तव्य दिनु भएको थियो । अतिथिहरु विजय आलमुनियमका प्रबन्ध संचालक विजय चौधरी, संगितकार विजय कुमार चौधरी हुनु हुन्थ्यो । खुस्वु चौधरी,सरिता चौधरीले दोसल्ला ओढाएर सम्मान गरे भने व्याच वितरण अनिता चौधरी,निर्मला चौधरी,दिप प्रज्वलनमा भारती चौधरी,उपेन्द्र चौधरी,प्रतिमा चौधरी,पुलाबती चौधरी,मिना चौधरी रहेको थियो । स्वागत गितः स्वागतम स्वागतम संजिव चौधरीको रचना रहेको गितमा संजिव चौधरी, ढोलक चन्द्र थापा मगर, गिटार सुनिल कुमार चौधरी,प्याडमा पदम क्षे...
Read more